Mancat petzi tres èuros pro arribare a 200. Est difatis de 197 èuros s’ispesa de is sardos pro is regalos de Nadale de ocannu: 14 èuros de mancu cunforma a cussu de s’Itàlia.
Segundu s’istùdiu sa festa de Nadale at a costare 202 milliones de èuro, 9,2 milliones de regalos. Sunt nùmeros de una chirca de eBay fata de Tns pro cumprendere mègius e ite còmporant in internet is italianos e is sardos.
Su dinari at a èssere ispèndidu de prus pro fìgios (111 èuros) e sposas (85 èuros, deghe de mancu cunforma a su datu natzionale). S’ant a fàghere 9 regalos de mèdia.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
