Sa lei pro su testamentu biològicu est istada aprovada dae su Senadu oe, a pustis meses de dibatas e unu muntone de emendamentos: sa norma est passada cun 180 votos a favore e 71 contra, mentras 6 ant detzìdidu de non votare.
Immoe su testamentu biològicu at a donare – in paris a calicuna làcana – su diritu a seberare s’acabbo de is curas, chi finas a eris lu depiat detzidere unu tribunale.
Sa lei permitit de seberare a dae in antis su manìgiu mèdicu chi si depet fàghere s’in casu a una pessona arribat una maladia grave meda. Prus a totu, permitit a sa gente chi at compidu 18 annos de àere sa possibilidade de renuntziare a manìgios artifitziales.
In s’aprovatzione finale in piatza Montecitorio b’aiat sa gente chi at gherradu pro custa lei, comente s’assòtziu Luca Coscioni, chi at fatu festa comente at ischidu de s’aprovatzione.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
