“Sa Giunta regionale detzidet de cantzellare sa cunventzione cun s’Aias a s’acabu de su 2018 ma s’ismèntigat de traballadores e malàidos”. Lu sustentat Micheli Cossa, cussigeri regionale de sos Riformadores, segundu su cale “est netzessàriu intervènnere deretu”.
“No intremus in su mèritu de su fatu legale – afirmat -, tropu difìtzile pro pòdere èssere risòlvida intro de pagu tempus. Ma comente a Istitutzione màssima regionale tengiamus su dovere de tutelare sas fascas prus interessadas: faeddemus de 1300 traballadores, medas de sos cales ispetzializados, de meses sena istipèndiu, chi de su 1 ghennàrgiu no ant a tènnere prus nemmancu sa seguridade de su cuntratu de traballu, postu chi craru ant a bènnere dogadas a s’Assòtziu totu sas commitidas”.
