Andria Mura, su deputadu espèllidu de su Movimentu 5 isteddos, annùntziat sas dimissiones de parlamentare. In una lìtera imbiada a su presidente de sa Camera, Roberto Fico, su campione de sa vela afirmat de àere “fatu dae in antis su mandadu de parlamentare cun sa màssima seriedade e in su respetu prenu de sas istitutziones republicanas”.
“So mancadu a 7 seidas pro una maladia”. Nointames custu, afirmat àncora, “so istadu ogetu de unu manìgiu mediàticu sena pretzedentes, de acusas lègias, basadas subra fatos inesistentes, subra afirmaduras de mene mai pronuntziadas. Apo subidu de sos disacatos mannos meda e apo a agire in totu sas sedes pro amparare sa reputatzione mea”.
Andrea Mura crìtica fintzas su Movimentu 5 isteddos: “So istadu espèllidu dae su grupu meu sena èssere nemmancu cunvocadu, sena pòdere replicare a sas acusas infamantes chi mi sunt istadas giradas”.
