09Mancu sa multa de milli èuros donada carchi die fa a unu turista inglesu de 40 annos, originàriu de Nàpoli, at firmadu sa bàrbara moda de sos “furones de arena”.
A prus pagu de 48 oras de sa multa artziada dae sos carabineris de sa cumpangia de Thiniscole pro sa fura de rena de Gaddura, sa Sardigna si torrat a iscobèrrere suta de s’atacu indiscriminadu de turistas. Cun probabilidade no est craru su disacatu ambientale produtu de custa “costumàntzia” oramai in foras de controllu.
S’iscoberta fata dae sa Guàrdia costera de Terranoa tra sos bagàllios de unu turista italianu diat fàghere rìere. Dimustrende de disconnòschere de su totu leges e proibitziones, s’òmine at pigau arena e pedras de diversas marinas de s’Ìsula. Isperantzosu de frigare sos controllos e barigare su Tirrenu cun su pretziosu a beru souvenir, at etichetadu sas bustas puru sas ampullas de plàstica chi cunteniant s’arena.
