Unu corpu de fusile est istadu esplòdidu contra su furgone de unu 63 annos, lombardu in vacàntzia in Sardigna. Su mezu, unu Mertzedes 316, fiat parchegiadu in s’arruga Otzana a Cuartuciu. Calicunu at esplòdidu sa fusilada – s’arma fiat carrigada a ballas – chi at atzentradu su furgone, posca est fuidu.
S’episòdiu est istadu denuntziadu a sos carabineris de Ceraxus chi paris cun sos collegas de su Nùcleu operativu Radiomobile de sa Cumpangia de Cuartu ant aviadu sas iscumbatas in su tentativu de fàghere lughe prena in sas resones de su gestu e individuare s’autore. Sunt istados fintzas recuperados sos filmados de sas telecàmeras.
