“Sa Sardigna est allupada dae su sistema Tirrenia, de su costu de sos billetes tropu artos pro su turismu e faghent trèulu in sa mobilidade”. Lu decrarat, in una nota, su deputadu de Fortza Itàlia, Ugo Cappellacci.
“Non faghet a abetare chi sa cunventzione arribbet a s’iscadèntzia e mancari a unu rinnovu – agiunghet s’ex presidente de sa Regione – pro custu apo presentadu una proposta de lege pro su coladòrgiu de sas funtziones e de sas risursas de s’Istadu tzentrale a sa Sardigna. Non bolimus prus èssere isfrutados e depamus èssere nois a detzìdere sas polìticas in sos collegamentos marìtimos pro realizare una bera continuidade territoriale”.
