Si fiat fuliada a mare de sa barca, ma su fundu fiat tropu bassu e a pustis de àere adobbadu sa conca, est abarrada tullida.
S’intzidente est acontèssidu a fine de su mese de trìulas e oe una pitzinna de 12 annos est istada portada dae s’elisoccorso regionale a s’ispidale Niguarda de Milanu, Unidade ispinale. Sa pipia fiat ricoverada a su Brotzu, in su repartu de Pediatria, de fine de su mese de trìulas, est a nàrrere de sa die in cale est capitadu s’intzidente.
De cantu si cumprendet sa minore fiat in barca cun carchi familiares, cando si nch’est fuliada a mare, adobbende sa conca in su fundu. Custu mangianu de s’ispidale de Casteddu est istada portada cun s’elisoccorso a Terranoa e posca semper in elicòteru a Milanu ue est arribbada a sas 12.30.
