“Po more de sas crititzidades dèpidas a sos efetos etzetzionales de tempus malu de custu mese apamus aviadu, tràmite sa diretzione regionale de s’Amparu tzivile, totus sas protzeduras pro pedire s’istadu de apretu a su Guvernu”.
L’at annuntziadu s’assessora de sa defensa de s’ambiente de sa Regione Sardigna, Donatella Spano. Sas amministratziones cumonales interessades ant a dèpere protzedire cun sos sejos e sas istimas de sos disacatos. Sa Regione a pustis at a imbiare sa documentatzione cun sa recherta de sa calamidade naturale a su Dipartimentu natzionale de Amparu tzivile.
