Su mercadu de su traballu in Sardigna si moet cara a sa bessida de su ‘tunnel de sa crisi’, fintzas si in ritardu respeto a sa mèdia natzionale e a sa situatzione de unas àteras regiones.
S’Ìsula at, difatis, recuperadu prus de su 76% de sos locos de traballu pèrdidu in sos ùrtimos 10 annos, segundu Confartigianato Sardigna chi evidèntziat comente a sas minores impresas siant istadas artèfitzes de su 65,6% de sas assuntziones in su 2015-2017, cun unu tassu de creatzione de locos de traballu de su 3,8%.
In tale cuntestu, sas anàlisis de Unioncamere, de su mese de trìulas e austu, ponent in lughe comente a, nointames sa “fàmene” de locos de traballu, bene 19 figuras professionales artisanas resurtent difìtziles de agatare.
