“Fintzas a como solu assumbros sena fundamentu in sos cunfrontos de sas ong, feti acusas farsas. E in sos M5s b’at calicunu, comente a su presidente Figu, chi cumintzat a resonare”.
L’afirmat su segretàriu de su movimentu Unione Pobulare Cristiana (Upc) Antoni Satta. “Sas ong ant commitidu reatos? No. Sa guàrdia costera lìbica tenet sas istruturas e sos òmines pro evitare sas tragèdias de su mare? No. E tando pro ite Salvini e Toninelli cùngiant sos portos e afilant acusas contra sas ong?”, concruit Satta.
