S’afòrtiat s’aparatu “Antincendi” de sa Sardigna pro sa campagna de istade 2018. A sos mèdios de sa flota regionale s’agiunghent difatis tres Canadair (CL-415), in Terranoa, e un’elicòteru (AB-412) prontu a intervènnere de sa base de Casteddu.
Su Dipartimentu de s’Amparu Tzivile at detzìdidu de assignare a s’ìsula mesos, chi sunt deretu operativos, pro torrare galu prus eficatze sa faina de preventzione contra sos fogos. “Su capu dipartimentu de s’Amparu Tzivile Angelo Borrelli – narat Spano – nch’at informadu de s’annanta de bator mèdios a sa flota costituida nostra dae 11 mesos aèreos prus su superPuma chi at a èssere disponìbile a partire de su primu de trìulas”.
