“In su 2017, 1 millione e 778 mila famìlias (6,9% de sas famìlias residentes), in sas cales bivent 5 milliones e 58 mila indivìduos (8,4% de s’intrea populatzione), fiant in cunditzione de poberesa assoluta”.
Ddu at naradu su presidente de s’Istat, Maurizio Franzini, in s’auditzione in antis a sa cummissione Bilantziu de su Senadu.
Est, at ispiegadu Franzini, “de su datu prus artu de su 2005 in tèrmines siat de famìlias siat de sìngulos indivìduos”. Su fenòmenu, at osservadu, “at interessadu in su 2017 su 6,2% de sos tzitadinos italianos (paris 17 a 3 milliones e 449 mila indivìduos) e su 32,3% de sos istràngios (paris a 1 millione e 609 mila indivìduos)”.
“Belle sa metade de sos indivìduos in poberesa assoluta sunt residentes in su Mesudie, cun unu pesu de su 11,4% in sa populatzione, a su Tzentru e in su Nord su pesu est prètzisu, pari de pare a pare a su 5,1 e 5,4%”, at sighidu Franzini.
“Sa cunditzione de poberesa – at ispiegadu su presidente de s’Istat – est riconducibile a unu gastu pro consumos paris o inferiore a cussa istimada comente a mìnima netzessària pro achirire unu paniere de benes e servìtzios chi, in su cuntestu italianu e pro una famìlia cun determinadas caraterìsticas, est cunsideradu essentziale a unu standard de chintu in manera mìnima atzetàbile”.
