Massimu s’atentu a sos fenòmenos meteorològicos de oe e cras pro s’avisu de tempus legiu chi, cun precipitazioni a caràtere temporalesco de forte intensidade, interessat in piessigna su sud Sardigna, s’àrea metropolitana de Casteddu e sa banda orientale de s’ìsula. Pro cras prevìdida abba isparida fintzas in sa Sardigna meridionale e orientale fintzas de forte intensidade. In s’interi a mesudie sa Protetzione Tzivile at artziadu a còdighe ruju su livellu de arriscu idrogeologicu e idràulicu in sas zonas de su Campidanu, Iglesiente, Flumendosa-Flumineddu. Còdighe arantzu, imbetzes, in Gallura.
Su presidente de sa Regione Francesco Pigliaru dae custu mangianu est in sa sala operativa de sa Protetzione tzivile, cun cale est in cuntatu dae Bruxelles puru s’assessora Donatella Spano. “Compidemus in manera costante sa situatzione e semus in cuntatu cun totus sos sìndigos” decrarat sa diretora generale de sa Protetzione Tzivile, Sandra Tobia. “Immoe registremos sas dificultades majores in sas zonas de Cabuderra e Ogiastra”.
