Sos traballos pro torrare a aberrere s’Istrada Istatale 195 ant a durare chimbe dies. S’Anas previdet s’abertura a su tràficu de sa Sulcitana lunis imbeniente.
Est cantu istupat dae s’atobiu cunvocadu dae su presidente de sa Regione Francesco Pigliaru cun s’assessore de sos Traballos pùblicos Edoardo Balzarini, s’assessora de s’Ambiente Donatella Spano e sos amministradores de Anas, Gèniu Tzivile, Protetzione Tzivile, Tzitade Metropolitana de Casteddu e Comunu de Cabuderra.
Est istada individuada un’istrada alternativa provisòria, diferentziada pro veìculos e mesos graes, pro collegare sa tzitade de Casteddu cun su territòriu de Cabuderra pro mèdiu de sa dorsale Cacip e sa viabilidade interna consortile, finas a chi no at a èssere ripristinada su Caminu istatale.
Su percursu at a èssere signaladu a su Ccs, Tzentru de coordinamentu de sos sucursos de sa Prefetura de Casteddu, chi at a adotare sos provedimentos netzessàrios pro lu torrare operativu.
