“Prus defibrilladores in is arrugas e letziones de ‘pronto soccorso’ Nùmeros ufitziales ma de ‘infartu’, in su sensu de sa paràula, pro is mortos legados a s’arrestu cardìacu in s’ìsula. Feti in Casteddu sunt 400 a s’annu. S’apellu de Hsf e Club ‘Giovani sinergie Sardegna’: “Una cumpangia de informatzione pro is defibrilladores ismànniat sa subravivèntzia de su 60%”.
De infartu si morit, e medas, finas in Sardigna. E chi is primos minutos imbeniente a su stop de su coro sunt fundamentales pro sarvare sa bida, un’istrumentu comente su defibrilladore est de importu meda. Ma no totus ddu ischint impreare e pro custu est netzessàriu faghere preventzione. Est s’apellu lantzadu de su club ‘Giovani sinergie Sardegna’ e ‘Hsf’, a intre de s’initziativa ‘La politica del cuore’, chi biet sa partetzipatzione de is consigieris regionales e comunales de onni colores de sa polìtica.
