Noa manifestatzione de sas tutas birdes de su Sulcis in s’àmbitu de su pretu de s’Eurallumina. Sos operajos si sunt agatados in Casteddu, in antis a s’assessoradu
regionale de s’Ambiente, pro pedire tempos lestros pro concluere s’iter in bista de su riavviu de s’istabilimentu, segundu su pranu prevìdidu dae s’azienda.
Sa Rsu at adobiadu sos vertices de s’assessoradu pro discutire de sos pessamentos de sos traballadores pro su benidore. Sa cunferèntzia de sos servìtzios est istada cunvocada pro su 21 e 22 de su mese de ghennàrgiu e sos operajos sollìtzitant sos entes prepostos a definire su programma subidu a pustis de sas duas datas fissadas, pro permìtere a s’azienda de fàghere partire sos investimentos. Pro su 2019 sas risursas sunt belle 3,7 milliones de èuros.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
