Su candidadu guvernadore de su Movimentu Cinquestelle pro sas eletziones regionales de sa Sardigna de fine freàrgiu 2019 est Francesco Desogus, 58 annos e dipendente pùblicu de sa Tzitade Metropolitana de Casteddu.
Desogus est istadu seberadu cun 450 votos pigados in su segundu turnu de sas ‘regionarie’ online tzelebradas oe in sa prataforma Rousseau. Est arribbadu segundu cun 422 votos Donato Forcillo, de tres Gianluca Mandas cun 261, de bator Anna Sulis cun 134 e de chimbe Marcello Cherchi cun 83 votos.
Su M5s tenet tando unu candidadu a pustis de chi aiat dèpidu rinuntziare a sa cursa de Mario Puddu, ex sìndigu de Assèmini, binchidore a sas primas regionarie e posca cundennadu a un’annu pro abusu de ufìtziu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
