Sardigna tra sas primas regiones de Itàlia pro cobertura vaccinale. Dae unu cunfrontu cun sos datos natzionales s’ìsula resurtat superiora a sa mèdia in totus e tres sas fases (2015, 2010 e 2001) pro anti morbillo, parotite, rosolia e pertosse. Ma non pro sa vaccinazione antimeningococco C (38,1% contra sa mèdia natzionale de su 51%) e pro su tetravalente anti meningococco, sa cale cobertura est de su 22,4% respetu a su 33,2% de su datu
in su restu de Itàlia: su motivu est dèpidu a s’introduzione de sas vaccinaziones in su calendàriu regionale feti dae sos primos meses de su 2017.
L’ammentat Aldo Manzin, dotzente de Microbiologia e Virologia de s’Universidade de Casteddu e delegadu regionale de s’Amcli, s’Assòtziu microbiòlogos clìnicos italianos, faghende riferimentu a sos datos frunidos dae Gabriele Mereu, responsàbile de su Servìtziu
vaccinoprofilassi de s’Assl de Casteddu. Sos nùmeros ant a èssere illustrados cras in su cursu de un’atòbiu in programma acanta sa sala cungressos de sa Cittadella universitària de a sos Pauli. Ispicat tra sas coberturas cussa contra sa varicella a sos 24 meses de edades (81% e 92% in s’Assl de su cabulogu respeto a su 45,6% de sa mèdia natzionale) e a sos 6 annos (64,2% contra su 31,5%).
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
