“Amus fatu su puntu in sos isvilupos de s’acòrdiu cun sa regione de Matam e individuadu sos passos imbenientes de acumprire pro dare linfa a s’intesa sutascrita in su maju de s’annu coladu”.
Gai s’assessore de sos Afares Generales, cun dèlega in sos flussos migratòrios, Filippo Spanu, a pustis de àere adobiadu in Dakar su ministru senegalesu pro s’Isvilupu territoriale Yaya Abdoul Kane. S’atòbiu at serradu sa missione istitutzionale in Senegàl de sa delegatzione sarda ghiada dae s’assessore e assentada dae su responsàbile de s’Unidade de Progetu in sos flussos migratòrios Marco Sechi e dae sos tècnicos de s’agèntzia Forestas mutidos a frunire a sas autoridades locales suportu in sos campos de su rimboschimentu, de s’approvvigionamentu ìdricu e de su chertu a sos fogos.
“Su ministru Yaya Abdoul Kane – at decraradu Spanu – nch’at torradu gratzias pro sas fainas chi amus postu in campu. Semus trasferinde cumpetèntzias e bonas pràticas pro torrare prus forte s’economia de unu territòriu oe meda fràgile”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
