“Sa Regione at a investire 200mila èuru pro contribuire a sa chirca in sa morìa de sa pinna nobilis”. Dd’at annuntziadu s’assessore regionale de s’Ambiente, Donatella Spano, intervenende in S’Alighera a su seminàriu de istùdios in sas Àreas amparadas de sa Sardigna, chi s’at a concruire cun sa sutascritzione de unu protocollu de intesa chi bidet sa Regione capofila de su progetu pro sa realizatzione de una Retze de sas àreas naturales protetas de sa Sardigna.
Sa pinna nobilis, prus comunemente connota comente a nacchera de mare, est unu mannu molluscu endèmicu de sos mares nostros, cunsiderada sa “reina de su Mediterràneu”. De carchi mese est a arriscu de estintzione pro mori de sa minetza de unu parassita.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
