Su ministeru de sa Salude at torradu a cramare unu lotu de cozze cummertzializadas dae sa Cpa Arborea cun sa denumenatzione ‘Nieddittas – Cozze collidas in su golfu de Aristanis’, a pustis de àere atzertadu in sos mitiles postos in bèndida sa presèntzia de su vibrione de su colera. Su lotu interessadu dae su provedimentu, sa sigla est NS-183778-17, intertzetadu a Massa Carrara, est assentadu dae cunfetziones de unu chilu, essidu dae s’istabilimentu de Corrumannu, in Arborea (Aristanis), e cun sa data de su 17 santandria coladu.
Segundu naradu dae su ministeru de sa Salude, sas anàlisis eris ant batidu a s’isulamentu in sas cozzas de s’embrione de su colera.
Interpellados, sos ufìtzios de sa CPA Arborea, una de sas majores aziendas de su cumpartu agroalimentare sardu, chi òpera fintzas in sos mercados de Milanu e Roma, no ant bòlidu cummentare su provedimentu.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
