Protesta de sas mammas de S’Alighera e S’Ulumedu pro sa farta de pediatras. Unu grupu de fèminas at manifestadu dae in antis a sa sede de su distretu sanitàriu de S’Alighera, in bia de sos Ortos, pro reclamare una solutzione a sa carenza de dutoras pro sos pipios issoro. Tres de sos chimbe pediatras in fortzas a su distretu ant a andare in pensione e no ant a èssere sostituidos, cun su resurtadu chi duos mèdicos chi abarrant s’ant a dèpere pigare cura de ultres duamìgia pipios in suta de sos 6 annos de edade.
Una situatzione lìmite giai denuntziada ultres chi dae sas mamas, fintzas dae sos cussigeris regionales aligeresos Marco Tedde (FI) e Raimondo Cacciotto (Pd): “Est impensabile e impossìbile chi duos mèdicos si potzant ocupare de s’assistu sanitàriu de 2.114 tra minores pipios e crios. Custu l’ischint fintzas a s’Ats”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
