Traghetu Moby Dada arribat in Casteddu cun 6 oras de ritardu. Problemas in navigatzione dae Civitavecchia. Prevìdidas ses oras de ritardu pro sa nave Moby Dada de Tirrenia partida eris sero dae Civitavecchia e abetada pro custu manzanu a sas 9 in su portu de Casteddu. Non b’ant àncora sas motivatziones ufitziales de sa cumpangia, ma a sos passigeris est istadu comunicadu chi su traghetu at a èssere in s’iscalu de su cabulogu sardu a inghìriu a sas 15. S’ùnica tzertesa est chi sa nave est cursende sa rota tra sa Penìsula e sa Sardigna biagende a lestresa reduida.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
