Cabuderra, traballos in sos pontes e pro sa viabilidade: est istadu aprovadu eris dae sa Giunta regionale su progetu definitivu de sos traballos de demolitzione e ricostrutzione de sos pontes de su riu San Girolamo a su km 12+650 e de su riu Masone Ollastu a su km 13+250 de sa SS 195 Sulcitana.
“S’interventu, pro un’importu de belle 19 milliones de èuros – ispiegat s’assessore de sos Traballos Pùblicos Edoardo Balzarini – est istadu propostu dae su Commissariu istraordinàriu delegadu pro sa realizatzione de sos interventos de mitigatzione de s’arriscu idrogeologicu e valutadu in manera positiva dae s’Unidade tècnica regionale (UTR), s’organismu de consulèntzia tècnica e giurìdica chi intervenit in su setore de sas òperas pùblicas. S’Unidade tècnica, riunida eris in sa sede de s’assessoradu, at valutadu annotamala àteros tres importantes progetos, totus lissentziados in manera positiva, pro un’importu totale de ultres 150 milliones de èuros.”
S’Unidade tècnica difatis at dadu pàrre favorèvole fintzas a sa progetatzione, fàbricu e gestione de sa retze de su gas metanu in su tzentru abitadu de Macumere pro impreu tzivile, artigianale, industriale e cumertziale e a sa progetatzione, fàbricu e gestione de sa retze de su gas metanu in su territòriu de sas comunas de Igrèsias, Conesa e Portuscusi. Su primu progetu est istadu propostu dae su comunu de Macumere pro complessivos 8,6 milliones, mentras su segundu, chi bidet su comunu de Igrèsias comente a ente capofila, est de 29,3 milliones de èuros. Est de 95 milliones, infines, s’importu de su progetu definitivu de sos traballos de ampliamentu de su complessu ospedaliero Universitàriu *AOU de Tàtari.
