In su Sud Sardigna cumintzant a semenare sa cibudda de San Giovanni Suergiu, chi at otentu dae su ministeru de sas Polìticas agrìculas sa tzertificatzione Pat, prodùtu agroalimentare traditzionale.
Su ‘ascusorgiu de su Sulcis’, aici ant tzerriadu custa cibudda, est abarradu custoidu in sas domos de pagos massajos tzentenàrios. Est istada recuperada, gràtzias a sa sindaca de sa bidda Elvira Usai e a su ‘Comitadu tzitadinu pro sa biodiversidade’, sa traditzione de sa cibudda chi si sèmenat a sas primas dies de su mese de santandria in sos terrinos de su Basso Sulcis e chi madurat posca ses meses, de abrile finas su 24 austu, pro San Giovanni Battista.
Sa comunidade de San Giovanni Suergiu s’est mobilitada pro collire testimonias, trascrìere sas antigas retzetas gastronòmicas traditzionales e cuncùrrere a elaborare su disciplinare pro su coltivu, sa promotzione e sa bèndida de custa piessigna cibudda, durche e croccante.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
