Eritzos de mare, s’istajone cumentzat in Santandria. Comente in su 2017. Ocannu sa pesca de is eritzos at a cumentzare su 15 de su mese de santandria. Durante s’atòbiu intre s’assessore regionale de s’Agricultura, Pierluigi Caria, e sos subàcueos professionistas, est istadu istabilidu chi su prelievu de sos eritzos at a incumentzare giòbia 15 de su mese de santandria pro si concruire su 15 abrile 2019 cun sa riduzione de su piscadu, de sas dies e de sas oras dedicadas a sa regorta e su chertu a s’abusivismo giai deliberadu s’annu coladu.
Sos 182 piscadores professionistas chi òperant dae sas imbarcatziones ant a pòdere prelevare unu totale de 2mila esemplares, mentras su piscadu at a falare a milli esemplares pro chi piscat a intro de su mare. S’at a pòdere piscare dae sas 7 a sas 13 esclùdida sa domìniga.
Cuntentu s’assessore Caria chi cras at a batire su nou decretu a su Comitadu pisca. “B’at istada una ridutzione de su piscadu tra su 2017 e su 2018 cun sa valorizatzione de su piscadu, ma non abbassemus sa guàrdia”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
