Latte Arborea puntat a afortiare sa presèntzia sua in Àsia, cun sa Tzina comente a mercadu de riferimentu pro esportare prodùtos vatzinos, ma fintzas ovicaprini de sa Fatoria Girau. Sa cooperativa cun base in Sardigna càstiat a sos Paisos de su Sud-est asitico, comente a Vietnàm e Corea.
Dae oe finas a su 15 de su mese de santandria s’atzienda casearia at a partetzipare a una pariga de fieras in Tzina, cun atobios dedicados cun importadores locales e buyer interessados a promòvere sos produtos de Arborea (Aristanis). S’atzienda bolet fàghere connòschere in piessigna sa lìnia A (digeribilita’), burro, mascarpone, yogurt, e sos casos suos a pasta tosta cun sa reghente novidade Gran Campidano in antis.
Su primu atobiu asiàticu est su China International Import Expo (Ciie), de oe lunis 5 a su 10 de santandria, a su cale at a sighire dae su 13 a su 15 de su matessi mese su Fhc China 2018. Sa prima fiera est istada istituida dae su ministeru de su Cummèrtziu de sa Repùbblica pobulare tzinesa e dae su guvernu de sa munitzipalidade de Shanghai e est su primu apuntamentu fieristicuin Tzina isceti dedicadu a promòvere s’importatzione de produtos e servìtzios internatzionales in su mercadu internu.
