In s’Italia de basciu sìghit a calare sa populatzione e aici su meridione arriscat de divenire “s’àrea de Itàlia in manera majore dimensionada e prus imbetzada”.
Sunt custas sas previsiones de su Svimez, su cale raportu est istadu presentadu oe a sa Camera de sos Deputados. “Sa pèrdida de populatzione prus rilevante – est ispiegadu in su dossier – si registrant pròpiu in sas regiones meridionales: -146 mila abitantes isceti intre su 2016 e su 2017. Est comente chi ispariret de un’annu a s’àteru una tzitade meridionale de mèdia dimensione. Est unu fenòmenu chi pertocat totus is regiones de su Mesudie, a etzetzione de sa Sardigna. Su pesu demogràficu de su Sud calat e est de su 34,2%, fintzas pro unu minore pesu de sos istràngios (in su 2017 in su Tzentru-Nord torraiant a sètzere 4.272 mila istràngios respetu a sos 872 mila in su Mesudie). In sos ùrtimos 16 annos ant lassadu su Meridione unu millione e 883 mila residentes: sa metade giòvanos de edade cumprèndida tra sos 15 e sos 34 annos, belle unu de chimbe laureados, su 16% de sos cales s’est trasferidu a s’èsteru. Belle 800 mila non sunt torrados”.
