“Bogais sas manos dae s’informatzione”. Ddu iscriet in una nota s’Assòtziu de s’Istampa sarda e annuntziat sa manifestatzione de cras. “Sos giornalistas italianos si mobìlitant e andant in pratza in totus sas regiones de Itàlia pro amparare sa libertade de istampa e cuntrastare sa derivat de unu limbàgiu de sa polìtica fatu de fueddos malos a chi d’onnia die fait su pròpiu dovere de informare sos tzitadinos. Atacos a una categoria de professionistas, ma mescamente a s’artìculu 21 de sa Costitutzione e a sos balores fundamentales de sa democratzia, chi ponent a arriscu su deretu a èssere informados”.
A sa mobilitatzione ant aderidu fintzas a como: su Cussìgiu natzionale de s’Òrdine de sos giornalistas e sos Òrdines regionales de sos giornalistas; Usigrai; Anpi; Artìculu21; Assòtziu Amigos de Roberto Morrione; Assòtziu Carta de Roma; Assòtziu Giulia Giornalistas; Lìbera; Lìbera Informatzione; Assòtziu NoiAntimafia de Ostia; Progressos; Retze NoBavaglio; Reforma.it; Ucsi; Ungp; rapresentantes de sas istitutziones locales.
