6Sa Giunta regionale at partzidu 4 milliones de èuros tra sos Cunsòrtzios industriales provintziales de Casteddu, Villacidro, Aristanesu e Macumere e su Cunsòrtziu pro sa zona de isvilupu industriale de Chilivani-Othieri pro aplicare sa premialidade 2018 in sa regorta diferentziada e saldare sas annualidades coladas.
“Su mecanismu de premialidade in sos annos at dimustradu chi funtzionat e nch’at cunsentidu de arribbare, segundu sos primos datos elaborados dae s’Assessoradu pro su 2017, a su 62,78 pro chentu de regorta diferentziada” afirmat s’assessora Spano. “Sas risursas regionales andant a premiare chi est diferentziende bene, agiudende sa Sardigna a mantènnere òtimas positziones a livellu natzionale. In su respetu de su Pranu regionale de sos refudos, benit difatis aplicada una premialidade de primore a chi sègudat su 80 pro chentu de regorta diferentziada e su cunsighente sgraviu de su 50 pro chentu de sa tarifa de cunferimentu de su refudu residuale”.
Su Cunsòrtziu industriale provintziale de Casteddu at a retzire 2,5 milliones de èuros, cuddu de Villacidro 250mila èuru. A s’Aristanesu e a Macumere ant a andare de pare a pare 400mila e 600mila èuru. Infines su Cunsòrtziu pro sa zona de isvilupu industriale de Chilivani-Othieri at a retzire sos chi abarrant 250mila èuros.
