In sa destinatzione de sas iscòrias nucleares “dia esclùdere totus sos logos ue su trànsitu diat pòdere èssere un’arriscu de unu puntu de bista ambientale. A esèmpiu sa Sardigna, pro ite nche est s’arriscu de sa dispersione in mare”.
Dd’at decraradu su ministru de s’Ambiente, Sergio Costa, posca de sa cunferèntzia “Biodiversita’: motore della vita sulla Terra”, organizada dae s’Arma de sos Carabineris. “Prima però depimus abetare – at agiuntu – su agiornamentu de sa mapa sìsmica, isceti a pustis amus a bìdere cales ant a èssere sos giassos in manera potentziale interessados. Si de s’agiornamentu b’ant a àere zonas in manera piessigna a arriscu sìsmicu las amus a dèpere esclùdere. In custu sunt traballende s’Isin (Ispettorato natzionale pro sa seguridade nucleare e sa radioprotezione) e sa Ispra.
