Aèreos: cara a sa pròroga sa bèndida de billetes dae su 1 su mese de abrile. Est netzessàriu in isetu de agiudicare su bandu de sa continuidade.
S’assessore de sos Trasportos, Carlo Careddu, at rechestu a s’Enac e a sas cumpangias aèreas, Alitalia, Air Italy e Blue Air, chi àncorat oe òperant in continuidade territoriale de prorogare sa bèndida de sos billetes pro mèdiu de sos canales autorizados ultres sa data de su 31 martzu 2019 e finas a s’agiudicatzione de su bandu nou. Sa sebera est netzessària mescamente pro sos tour operator chi ant a pòdere giai de oe programmare s’imbeniente istatzione acuistende sos billetes de su 1 de su mese de abrile pro mèdiu de sos atuales vetores atualmente titulares de sos collegamentos sugetos a òneres de servìtziu de e pro sos printzipales aeroportos sardos de Casteddu, Terranoa e S’Alighera e cara Linate e Fiumicino.
Sa regione evidèntziat chi custu evitat “s’interrutzione de su pùblicu servìtziu e benit garantidu su deretu a sa mobilidade de sos sardos”.
