Cumentzat dae sa Sardigna una noa ofensiva contra su disinnu de lege Pillon. Una motzione chi impinnat su guvernadore Frantziscu Pigliaru a faghere “onni atzione” pro pedire de blocare s’iter de aprovatzione de su ddl est istada difatis presentada dae su cussigere regionale de Campo Progressista, Francesco Agus.
Su documentu est istadu sutascritu fintzas dae Roberto Deriu (Pd), Rossella Pinna (Pd), Pierfranco Zanchetta (Upc), Luca Pizzuto e Daniele Cocco (ambos Mdp). Partinde dae su presupostu chi sa proposta de su senadore leghista “parit antitètica respetu a sos detzisos assùmidos in custa matèria dae su Cussìgiu regionale”, Agus ispiegat: “Sa mudadura in lege de su ddl Pillon diat rapresentare una regressione normativa grae, alimentende discriminatziones de gènere, introduinde normas chi non tenent in carchi contu sos disìgios e sos sèberos de sos minores, chi ledent su deretu a sa genitorialidade, in piessigna feminile”.
Su ddl annotamala “andat contra a unu genitore cun iscassa capatzidade econòmica e disconnoschet in manera cumprida sa realidade e sa gravidade de sos fenòmenos de violèntzia domèstica familiare”.
