Su Comunu de Carbònia informat sa gente chi, acanta de su Munitzìpiu in pratza Roma, est possìbile pònnere sa pròpia firma pro sustènnere sa proposta de lege de initziativa pobulare pro s’introduzione de s’ora de “Educatzione a sa Tzitadinàntzia” comente a matèria curricolare in sas iscolas.
A s’initziativa, batida in antis dae s’ANCI (Assòtziu Regionale de sos Comunes de sa Sardigna), at aderidu su Comunu de Carbònia, in sa consièntzia chi s’insegnamentu iscolàsticu potzat rapresentare semper prus unu pilastru pro sa formatzione de “bonos tzitadinos”, rispetosos de sas règulas a sa base de su bìvere tzivile e sotziale.
“Sa punna est accrescere in sas noas generatziones su sensu tzìvicu e de apartenèntzia a sa comunidade”, at afirmadu su sìndigu Paola Massidda. “S’acumprimentu de un’ ora de letzione de educatzione a sa tzitadinàntzia at a cunsentire a sos giòvanos de crèschere sa connoschimentu issoro de sa Costitutzione, de su printzìpiu de egualidade, de educatzione a sa legalidade e a su respetu de s’àteru”.
Est possìbile firmare sa proposta de lege de initziativa pobulare giughende·si acanta s’Ufìtziu Segreteria de su Comunu de Carbònia, sitiadu in pratza Roma, a su segundu pranu, in sas sighentes dies e oràrios: dae su lunis a sa chenàbura, dae sas oras 9 a sas oras 13.
