Est calende sa povertade in Sardigna. Ddu narant is datos de s’Istat, ma est torrada agoa puru sa mannària de is pesonas chi sunt giradas a sa Caritas. Is nùmeros sunt in su report 2016 fatu de su Consìgiu regionale.
Marco Lai, delegadu regionale de sa Caritas, at naradu ca sunt datos ca sunt calende, pro fortuna. Su pinnichiu est però pro is pitzocos: issos arriscant meda de prus e sunt is candidados a divenire is poboros de su benidore: s’etade prus lègia, comente si leghe in is datos, est cussa incluida intre 15 e 34 annos. “Sa curpa est sa disocupatzione” narant totus.
Is istràngios sunt 2000, mescamente de natzionalidade romena, marochina, senegalese. Chi arribat a sa Caritas tenet abisòngio de papare, ma pedit puru meighinas, e dinare pro pagare sa lughe: sunt pesonas chi tenent pagu o nudda rèdditu e pregontant totus unu traballu pro essire de sa cunditzione.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2017
