Est partida custa sero de S’Alighera (Tàtari), in suta de unu chelu dudosu, sa prima assemblea antimilitarista promòvida dae ‘A Foras – Contra a s’ocupatzione militare.
Su sèberu de Poglina no est casuale: inoghe s’agatat una base militare, unu tzentru de addestramentu guastadores, chi su colletivu promotore de s’initziativa definit “s’installatzione militare sarda prus segreta de totu e subra cale pedit de fàghere lughe.
“S’intentu est, de un’ala, cudda de batire sos temas contra s’ocupatzione militare in cuntestos no àncoras in manera prena interessados”, ispiegant sos promotores de s’initziativa, “de s’àtera, su giustu est isvilupare unu traballu de retze cun sìngulos e grupos, pro torrare a costrùere s’istòria de sos territòrios nostros e immaginare unu benidore diferente pro sa Sardigna, torrende a iscobèrrere sos mollos positivos chi isperimentant mustradas serentes a sos bisòngios de sa populatzione”.
