“Est un’isbàlliu grave chi non respetat su printzìpiu de leale collaboratzione cun sos vàrios livellos istitutzionales”. Aici s’assessore regionale de sos Entes locales e Urbanìstica, Cristianu Erriu, at cummentadu su bandu de is periferias e su stop a sos fundos destinados a sa ricualificatzione issoro, insertadu dae su Senadu cun un’emendamentu a su decretu Milleproroghe.
“Sas Comunas chi sunt istados individuados comente a destinatàrios de sos progetos de valorizatzione de sas periferias”, at pretzisadu Erriu, “ant ativadu garas, fatu progetos e si sunt apo mòidu pro un’usu de sas risursas mannas chi sunt istadas postas a disponimentu. In carchi casu sunt istadas torradas a disegnare in manera intrea sas periferias. E custu, de nois, est sutzèdidu pro Casteddu, Nùgoro e Carbònia e Aristanis. In su su momentu chi ant a mancare custu dinare, s’at a lèdere fintzas su programma amministrativu cale sos Comunos tenent pro tantu tempus traballadu”.
