“Stop a su “prelievo forzoso” de sos eritzos de mare in Sardigna pro cantzellare dannos “chi diant interessare totu sa filiera de sa pisca”. Lu pedit su Wwf sollitzitende, in una lìtera aberta, s’assessore regionale de s’Agricultura cun dèlega a sa Pisca, Pier Luigi Caria, a “torrare in manera cuncreta operativos – e sena dèrogas – sos distretos de pisca, sa cualificatzione de sa risursa cun sos datos de su produtu piscadu e su càrculu de sa biomassa de zona subra base de duos annos”.
Cun medidas prètzisas e sena manìgios si diat pòdere incumentzare a furriadas sa situatzione atuale previdende pro s’eritzu de mare sa rotatzione de sas àreas de pisca e, bisongende, atuare fintzas su blocu totale de sa pisca”.
