Abarrant graves, ma istatzionàrias sas cunditziones de sos duos antzianos, un’òmine de 80 annos de Tramatza, ricoveradu a Tàtari e unu de 72 annos de Terrarva ricoveradu a Aristanis, corfidos dae sa Calentura de su Nilo Otzidentale in provìntzia de Aristanis.
Pro ambos casos, cunfirmados dae sas anàlisis fatas a su policlìnicu de Pauli, sa ‘prognosi’ abarrat riservada. In tantu mèrcuris 29 si riunit a Casteddu, a s’assessoradu regionale de sa Sanidade, s’unidade de crisi regionale in sa West Nile Disease pro fàghere su puntu de sa situatzione e averguare s’atuatzione de sos interventos prevìdidos in su pranu de preventzione.
