Su sìndigu de Partiolla Ivan Piras, 36 annos, est su vitze-moderadore regionale nou de Fortza Itàlia. “Cumintzat immoe in Sardigna sa rivolutzione de su partidu, in lìnia cun su caminu de su rinnovamentu sestada dae Silvio Berlusconi”, at ispiegadu su moderadore Ugo Cappellacci annuntziende sa nòmina de Piras durante sa convention de Fi e Ppe a Ceraxus cun Antonio Tajani.
“Custu – at agiuntu – est su cumintzu de unu percursu de rinnovamentu, chi giai in sas imbenientes chidas at a bìdere unos àteros indicos pro rèndere a Fortza Itàlia sa dinamicidade e su radicamentu in su territòriu fundamentales pro afrontare sos imbenientes disafios”.
