Binti migrantes nordafricanos, totu òmines, sunt arribados in sas ùrtimas 12 oras in sa costa sud-otzidentale de sa Sardigna. Is isbarcos sunt cumintzados eris a de note. A pustis de sas 21 sos carabineris de s’istatzione de Gibba ant iscurbertu unu primu grupu de sete pessones, est probabile chi sunt de natzionalidade algerina, chi caminaiant serente de su portu de Teulada (Sulcis).
A 17 chilòmetras dae sa costa sud-est de Santu Antiogu una motovedetta de sa capitaneria at sucùrridu in mare àteros 13 istrangios chi navigaiant in una pitica barca de linna: fiant a sa deriva e s’imbarcatzione si fiat prenende de abba. Sos giòvanos sunt istados carradu in su portu cumertziale de Santu Antiogu, in ue los ant pigados in cunsigna sos carabineris de s’istatzione de Calasetta. Posca dd’ant carrados a su tzentru de acasàgiu de Monastir
