In su Sud de sa Sardigna, dae duas dies iscutu dae abbas istraordinàrias e temporadas, b’at istada una vìtima. Oe a mangianu, a pustis de oras de chircas, est istadu agatadu su corpus de Tamara Maccario, sa femina de 44 annos de Assèmini dispersa de eris a de note.
Tamara Maccario est istada recuperada a belle 500 metros dae sa vetura, serente a unu riu, in su territòriu de su comunu de Su Masu. Sa femina eris fiat bessida dae domo in paris cun sa familla, su maridu e tres fìgias pro ite temìant pro mori de unu riu serente a sa domo issoro. Su maridu e sas figias sunt arrenneschidos a si sarbare.
Immoe sunt pagu prus o mancu 70 sas pessones evacuadas in totu sa zona de su Sud Sardigna. Sos disacatos majores sunt in Pirri, Cabuderra, Uta e in su territoriu de su Sarrabus.
