“Sa Prefetura de Nùgoro at revocadu su bandu de gara europea pro sa gestione de su Tzentru de permanèntzia pro sos rimpatrios de Macumere. Su Cpr, in sos acòrdios tra Ministeru, Regione e Comuna depiat serbire comente dissuasore pro sos isbarcos dae s’Algeria. Custu a amparu de sa seguridade de sos tzitadinos sardos, e cun pretzisas tutelas de sa dignidade umana pro sos destinatàrios de sos provedimentos de detentzione”. Gai s’assessore de sos Afares Generales Filippo Spanu.
“Immoe, sena carchi acòrdiu cun sa Regione e sos Entes Locales su Ministeru – agiunghet Spanu – mudat sas règulas e rinviat su bandu. Tra sas motivatziones de sa rèvoca si faeddat fintzas de sa ridutzione de sos costos de gestione, tando est de presumire chi sa calidade mèdia de sos servìtzios at a èssere diminuida”.
“Est ladinu chi su Cpr in custas cunditziones mudat in manera radicale sas caraterìsticas suas. E custu sèberu, chi stravolget sos acòrdios, no at a pòdere agatare su cumpartzimentu de sa Sardigna, ùnica Regione finas oe a àere dadu, a pretzisas cunditzionas s’assensu suo”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
