“Cun Massimo Zedda candidadu podemus bìnchere sas eletziones”. Gai su segretàriu de su Pd, Emanuele Cani, aberende a Tramatza sa cunferèntzia programmàtica de su partidu, momentu chi arribbat a sa fine de una fase de iscurtu in sos tzìrculos de sos territòrios durada chidas e incumentzada cun s’insediamentu de s’ex deputadu de su Sulcis in sa segreteria Pd. “Immoe depimus traballare pro fàghere su resurtadu – at ispiegadu su nùmeru unu de sos dem – su sìndigu de Casteddu s’est postu a disponimentu”.
A s’incras de s’investitura de Christian Solinas a sa ghia de su tzentrudestra, Cani crìticat su mètodu: “No esistet chi unu ministru comente a Salvini bèngiat in Sardigna e nàrgiat chi depet èssere candidadu. Est una birgòngia pro s’Ìsula”. In fines, in sos traballos de sa cunferèntzia programmàtica, su segretàriu at craridu: “No est unu traguardu, ma unu puntu de partèntzia pro iscrìere un’ idea e su progetu de sa Sardigna chi bolimus”.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
