S’assessore regionale a s’Agricultura cun dèlega a sa Pisca, Pier Luigi Caria, at firmadu unu decretu chi cuntenet sos disponimentos pro su reconnoschimentu de sos indennizos a sos piscadores iscalabrados dae sos delfinos.
Sos disponimentos emanados oe reconnoschent sos disacatos subidos dae su 1 de su mese de ghennàrgiu 2018 in sa faina de sas barcas de longària non superiore de 12 metros in foras de totu, abilitados a s’esertzìtziu de sa pisca costera locale (intro sas 12 mìllios) cun retzes de posta caladas e ancoradas o retzes de tremaglio.
Segundu sas normas comunitàrias, s’amparu econòmicu podet èssere cuntzèdidu feti a pustis de su reconnoschimentu formale, a banda de sas autoridades cumpetentes, de sa presèntzia de mammìferos protetos in sas àreas de pisca.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
