In Sardigna dae su 2012 a su 2016 sos passigeris de su trasportu pùblicu locale (postales, tram, filobus, metropolitana) in sos comunos cabulogu de provìntzia sunt colados dae 40,17 a 39,98 milliones, cun unu calu de su 0,5%.
Unu decrementu mìnimu, meda de prus basciu respetu a cantu acontessidu a livellu natzionale: sa mèdia italiana est difatis de su -4%. Sunt sos datos chi istupant dae un’ elaboratzione de su Tzentru Chircas Continental Autocarru subra datos Istat. Torrende a sos datos de sa Sardigna, tra sos comunos cabulogu ispicat Tortuelie, chi at fatu registrare un’aumentu de su 100% de sos passigeris de su Tpl de su 2012 a su 2016. Sighint Carbònia (+30%), Tèmpiu (+25%), Terranoa (+4,5%) e Tàtari (+3,8%). Invariada sa situatzione de Aristanis e Lanusèi, mentras tra sas comunas chi ant fatu registrare datos in calu b’ant Casteddu (-1,3%, de 24,33 a 23,88 milliones de persones a oru), Igrèsias (-20%) e Nùgoro (-33,3%).
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
