Sunt partidos cara a las ses de custu mangianu belle totu sos 390 passigeris de su traghetu Cruise Roma de sa Grimaldi chi eris at tentu un’ avaria a un’elica de su motore mentras fiat in biàgiu tra Portu Turre e Bartzellona. Arribbados in sa note in su portu de Civitavecchia, ant dèpidu abetare chi megiorarent sas cunditziones meteo-marinas pro pòdere torrare a cumintzare sa navigatzione.
Sa cumpangia faghet ischire chi est istada garantida s’assistu e sos pastos e chi, tranne calicunu chi no at bòlidu sighire su biàgiu, totu sos àteros sunt istados reimbarcados in sa nave “gemella” Cruise Barcelona a sa bia de s’Ispagna. Su problema a s’èlica fiat giai istadu risòlvidu eris a de note, ma su traghetu immoe benit ispetzionadu dae sos tècnicos de sa Grimaldi.
