“Semus in campu cun Andrea Frailis pro sas eletziones polìticas suppletivas de ghennàrgiu de Casteddu cun su sìmbulu Progressistas De Sardigna”. Dd’annùntziat su segretàriu regionale de su Pd Emanuele Cani a pustis de s’atòbiu chi oe a mangianu at cunfirmadu sa candidadura de su giornalista televisivu pro sa coalitzione de su tzentrumanca a sas eletziones suppletivas de su 20 ghennàrgiu imbeniente pro a sa Camera in su collègiu de Casteddu. “Unu disafiu, cun unu candidadu, Andrea Frailis, autorèvole e de profilu artu, pro dare una boghe in prus a sa Sardigna in Parlamentu”, iscriet Cani in sa pàgina sua Fb, inaugurende s’hashtag #forzandrea.
Documento utilizzato ai fini del contributo ricevuto ai sensi
dell’art.8 comma 12 lett.b) della Legge Regionale 13 aprile 2017, n.5 annualità 2018
