Su Partidu Democràticu de sa Sardigna torrat in s’istòrica sede de bia Emilia a su nùmeru 39 in Casteddu. Dd’at comunicadu su segretàriu regionale Emanuele Cani e su tesoreri Franco Pinna.
Adiosu tando a s’immòbile de viale Regina Margherita 6, a s’àngulu cun bia Roma, in ue su Pd aiat istabilidu su pròpiu ufìtziu, cando in su ghennàrgiu de su 2015 su segretàriu Renato Soru fiat istadu elègidu a sa ghia de sos democràticos sardos. Dae tando si fiat pensadu prus furriadas de aporrire su partidu “tra sa gente” in su bighinadu pobulare de Is Mirrionis.
Oras, cun s’inghitzu de s’era Cani, si torrat in sa “domo” istòrica de su Pci, belle milli metros cuadrados in ue est totora custoidu s’archìviu istòricu de sa Fundatzione Enrico Berlinguer cun chentinas de documentos cun s’istòria de su partidu, dae su Pci a su Pds a sos Ds.
